هل وصلتك مثل هذه الرساله (آل اضراب آل)

طنطاوى · منذ /01-04-2008, 04:21 AM

السلام عليكم

اخوانى واخواتى

وصلتنى على ايميلى اليوم هذه الرساله

اقتباس:

هام لكل مصري يوم 6 ابريل يوم اضراب عام في مصر
> >
> > إتفقت كافه القوي الوطنية في مصر علي أن يكون
> > يوم الأحد القادم 6 إبريل يوم إضراب عام في مصر
> > يوم 6 إبريل خليك قاعد في البيت
> > أو شاركنا فى الميادين العامة
> > أوعي تنـــــــــزل لكن شاركنا
> > ماتروحشي الشغل
> > ماتروحشي الجامعه
> > ماتروحشي المدرسة
> > ماتفتحشي المحل
> > ماتفتحشي الصيدليه
> > ماتروحشي القسم
> > ماتروحشي المعسكر
> > عايزين مرتبات تعيشنا
> > عايزين نشتغل
> > عايزين تعليم لأولدنا
> > عايزين مواصلات أدمية عايزين مستشفيات تعالجنا
> > عايزين دواء لأطفالنا عايزين قضاء منصف
> > عايزين أمن وأمان عايزين حرية وكرامه
> > عايزين شقق للعرسان
> > مش عايزين رفع أسعار
> > مش عايزين محسوبيه مش عايزين ظباط بلطجية
> > مش عايزين تعذيب في الإقسام
> > مش عايزين أتاوات
> > مش عايزين فساد مش عايزين رشاوي
> > مش عايزين إعتقالات مش عايزين تلفيق قضايا
> > قول لأصاحبك مايروحوش الشغل همه كمان وخليهم يدخلوا الإضراب
> > ( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفيالضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات)
> >
> >
> >
> >
> >
> > يوم 6أبريـــــــــــــــــل أضراب عام في مصر سلمي
> > أبعت رسايل لخمسة من أصحابك
> > ولو كل واحد بعت لخمسة في ظرف يومين البلد
> > كلها حتعرف بالموبايل بالأرضي بالأيميلات أو حتي رسايل عالشات في قنوات التليفزيون
> > أنسخوا رسالتنا وأبعتوها تعليق على كل المقالات
> > ألي بتقروها بيكوا وبينا البلد دي حتتغير أنشاء الله
> >
> >
> >
> >
> >
> > المسيحين مع المسلمين لصالح مصر
> >
> >
> >
> >
> >
> >
> > يالا يامحمد يالا يامينا مصر مش هتتغير إلا بإيــــدينـــــــا

هل وصلتك مثلها

ان لم تصلك فهذه هى

ها نحن هنا نفتح مجالا للنقاش فى هذا الموضوع

هل ستضرب ؟

هل تتوقع ان يجدى هذا الاضراب نفعا ويحقق نتيجته المنشوده

هل سيكون الاضراب فى القاهرة فقط ام فى كل المحافظات

هل تعتقد ان الناس اللى عايزين مرتبات تعيشهم هيعدوا فى بيوتم ويضحوا بأجرة يوم عشان الاضراب

هل تفتكر ان كل الناس فعلا هتعد فى البيت

ولا الناس الجعانه هتنزل الشوارع وتستغل انشغال الامن بالمظاهرات وفضاء الشوارع فى سرقه المحلات المغلقه

هل وهل وهل

شاركنا رايك

قول اللى فى نفسك

طنطاوى

المصدر: ACTION ACADMY أكاديمية أكشن - من قسم: أكشن شخبطه على الحيط

ig ,wgj; leg i`i hgvshgi (Ng hqvhf Ng)

Mira_2020 · منذ /01-04-2008, 06:13 AM

هى مش وصلتنى بس انا عارفة الموضوع ده صاحبتى الانتيم داخلة فى الحزب اللى عامل كده

Gogo · منذ /01-04-2008, 05:30 PM

أعتقد ياطنطاوى الإضراب لو مش هيفيد يبقى البلد هتولع وبجد
اللى عايز يعرف حقيقة الامرلقة منى الحسينى نأسف للإزعاج مع الرائع مصطفى بكرى

بجد بجد هتعرف قدر المعاناة وكم الفساد وكم التضخم
فشل الوزارة وعجزها المشاكل وووووووووووووووو
بجد لازم صوت الشعب يقول لا وإلا يبقى يافرعون ايه اللى فرعنك قال مالقتشى حد يلمنى

لازم نتكلم واللى يخاف يقعد فى بيته بجد بجد التغيير مننا مش من حد غريب

Dark Magician · منذ /01-04-2008, 08:58 PM

صراحة أنا مابثقش في أي حاجة على النت ...لو كان الكلام دا قريته في جرنان كنت ممكن أصدق ...لكن على النت ..هيهات ...

طنطاوى · منذ /01-04-2008, 10:24 PM

شكرا ميرا وجوجو ودارك على المرور

ويوم الاحد لناظرة قريب

( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات- منتدى اكشن )

Mira_2020 · منذ /02-04-2008, 10:45 AM

السلام عليكم بمناسبة الموضوع اللى طرحه علينا طنطاوى ...فيه ورق بيتوزع عندنا فى اسكندريه ان حركة كفاية سوف تقوم بوقفة احتجاجية من اجل عمال غزل المحلة .........

والكلام ده هيكون يوم الاحد6\4\2008 الساعة 2 ظهرا فى ميدان محطة مصر
فا ايه الموضوع بقه نعد فى البيت زى الاعتصام ولا ننزل عشان الاحتجاج؟؟

SaD FlOwEr · منذ /02-04-2008, 01:30 PM

هيحصل حاجة فى حاجات ممكن تتغير ... ولا كالعادة ولا حاجة هتتغير بس هنحس اكتر بعجزنا وعدم قدرتنا على عمل شىء نحى نفسنا وافالنا بعد كده على العموم الاحد مش بعيد او .... ويااعالم

Gogo · منذ /02-04-2008, 10:44 PM

مشربتش من نيلها .. جرب كده كولديرها حسيت انك عاوز تقتل اللى سارقينها وناهبينها ممشتش فى حواريها .. وافران العيش فيها اه يانا من حكومتنا وعمايلها وبلاوييييييها جرب كده مره واكتب شكوى وخدها وروح القسم هتلاقى نفسك فى الحجز لأ وبتهمة عدم الفهم ادى حكومتنا وادى عمايلها .. ولاثورة بتيجى فيوم وتشيلها ونرتاح م اللى خاربينهااا ومشربتش من نيلها .؟؟؟

EGYPT4EVER · منذ /03-04-2008, 01:44 AM

وبعد غياااااب اعود من جديد
بعد السلام والتحيه واللذي منه
الموضوع انا سمعت عنه وقريت في 10 تلاف موقع عليه
اللي عاوز يشارك في الاحتجاج ينور واللي فايف احسن الامن المركزي يصبح عليه يشارك علي الاقل بانه يفضل في بيتهم
الهدف مش ناس تهلل وخلاص الهدف انهم يحسسوا الناس اللي فوق انهم ممكن يعملوا حاجه وممكن يوقفوا البلد كلها
تخيلوا مثلا لو في يوم محدش اشتري اي حاجه خالص ومحدش ركب مواصلات ولا اتكلم في تليفون
شوف خسائر اصحاب المصلحه من الغلاء هتبقي كام
حاجه كدا زي مقاطعه المنتتجات الامريكيه علشان تحس اننا لينا كلمه

لو حد كان سمع عن اللي اتعمل في نقابه الطباء علشان يرفعوا مرتباتهم .......
الاطباء اضربوا 6 ساعات عن العمل وهددوا ان المره اللي بعدها 12 ساعه وبعدين يوم وبعدين اسبوع لو مرتباتهم مزادتش
قبل ما الاضراب ال 6 ساعات يخلص كانت مطالبهم اتنفذت

هو اللي حيصل دلوقتي هيبقي حاجه شبه كدا

سوري علي الرغي الكتير

طنطاوى · منذ /03-04-2008, 02:10 AM

اهلا بك اخى من جديد فى المنتدى بعد الغياب حلوة اوى قصيده الكولدير دى يا جوجو والكل فى انتظار حريق القاهرة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري