هل توافق على إغلاق قسم الأغانى والأفلام...؟؟؟؟

أنا كنت كاتب خطبة طويلة

بس النت علق

باخصار أنا لا أوافق أبدا على إغلاق الأقسام

أنا أوافق على غلق المنتديات تلك ..

وأحترم رأيك أخي وسام خليل ....لكن كنت أود أن أرى نقاشا مثل المدير جوجو ....لو تكرمت وأعدت الكتابة أكون شاكر لك وجزاك الله خيرا ....(ممكن تشرفني باسمك وأكون شاكر لك ^^)

اسمه وسام ياعم أحمد الطم مكتوب قدامك

أهلا أختي ..

لاشك ...كان في شعر أيام الرسول صلى الله عليه وسلم ...بل إن في شاعر الرسول سيدنا حسان بن ثابت ...

لكن كان برضو في واحد اسمه امرؤ القيس ...حامل لواء الشعراء بالنار ....ليه؟ لانو كان زي عجرم ودياب وغيرهم .....لكن هو كان ليه السبق في كدة انو كان مافيش حاجة عندو اسمها رقابة نهائيا عشان كدة كان أسوأ الشعراء أو اللي ممكن نسميهم النهاردة مغنيين (مش كلهم طبعا ..إلا من رحم ربي...)

لازم يكون في ترفيه,,يعني ماينفعش يبقي الموقع ثقافي وعلمي بس,,

أكيد طبعا لازم يكون فيه ترفيه لكن ماينفعش إنه يكون في المعصية ...حتى إنك قلتي إنك مصدقة إن الغناء حرام ...

في مثل بيقول ساعة لربك وساعة لقلبك ....لو هانمشي في المثل دا ونقول ساعة أغاني وساعة قرآن ....هل إحنا نحب إننا يوم القيامة نبقى ساعة في الجنة وساعة في النار؟....
(ملحوظة ..مش معن كدة إني باقول الساعتين يبقوا قرآن بس ...^^...عشان بس ماحدش يقول متشدد ولا بطيخ ^^)

أكيد لا...

وانا اللي اعرفه ان الاغاني حرام للي شغال عليها صبح وليل..

يعني على كدة مثلا ..أي فعل سئ هايكون سئ لو الشخص قايم عليه صبح وليل؟
ماظنش ...لو كدة كان بقى الخمر مثلا اللي يشربه شوية صغيرين يبقى عادي واللي يشربه كل شوية دا غلط ؟...

(طبعا مش باشبه الغناء بالخمر ..لكن كمثال ..)

بس مش للي بينظم وقته وبيسمع قليل,,

الإصرار على الصغيرة يجعلها كبيرة ...

ياحمد اللي انت لو قفلت هنا...هاتلاقي ملايين المواقع التانية مختصة بالنوع ده..

صراحة ماعرفش المواقع التانية دي ومش عايز أعرفها إلا لو كنت هادمرها بالهكر ^^ لكن لو كان ليا حق أدمرها ...كان يبقى أولى عليا تدمير مواقع الصهاينة اللي بيحرفوا الدين ..

ثم إني جربت قبل كدة لكن للأسف مالاقيتش ترحيب بالموضوع غير هنا مع جوجو ربنا يجزيه كل الخير ...

أنا قلت دا قبل كدة ...أنا حبيت أنصح بس مش أكتر ...عشان مايحصلش معايا زي اللي حصل مع اللي قبلي لما كانوا يشوفوا أصحابهم في معصية ولايتناهون عنها ...

حتى لو الأقسام ما اتقفلتش أنا مش خسران حاجة ..لكن في ناس تانية هاتخسر كتير ....الدال على خير كفاعله ....و أيضا الدال على شر كفاعله ..

أعتذر إن كان في كلامي نوع من حدة الإنفعال ..لكن ياريت الكل يتناقش بانفعال عايز أعرف كل واحد بيفكر إزاي في الموضوع دا ^^

وفي حاجة تانية مهمة ...

صراحة أنا مش عارف إذا كانت الأغاني سماع النساء من بعضهن حلال ولا حرام ...لكن هو أكيد طبعا إن واحد يسمع واحدة بتغني حرام حتى لو كانت بتقول نشيد وطني ..^^

لكن أظن لو كان الكلام سئ يبقى حرام على الرجال والنساء ......

عندي سؤال بسيط أوجهه للجميع ...كنت وجهته بالموضوع الثاني لكن أظن إن النقاش اتنقل هنا وماحدش بيشوف الموضوع التاني ...

من جواكم ..هل حاسين إن دا صح ؟

جربوا كدة بعد ماسمعتوا أغنية ...أعدوا فترة من غير سماع ولا أغنية ..إيه اللي هانحس بيه ؟؟؟

ونجرب كدة لو قرأنا قرآن أو سمعناه ...لكن تدبرنا في معانية هانحس بإيه؟

....سؤال كمان ...

لو كان النبي صلى الله عليه وسلم موجود وسألناه عن المغنيين دول هايقولنا إيه ؟

لو كان حتى أي من الرسل سألناه هايقول إيه ؟

لو بتسمع أغاني ...لو والدك أو جدك أو أي حد من أسرتك من الناس اللي مش عارف ليه بقى في كتير بيفصلوهم عن المجتمع ويقولوا عليهم ملتزمين أو متدينين ...إمال باقي الناس إيه مش متدينين أو كفرة والعياذ بالله ؟؟؟؟؟

يعني لو ليك حد قريبك كبير من الناس دي ...اسأله ....هل الأغاني دي حلال أم حرام ؟....هايقول إيه ؟



لكن لو اللي مانعك من إنك توقف سماع الأغاني هو مجرد شعور إنك مش عايز توقفها دا ليه علاج لوحده ولو عايز العلاج دا هاقوله في رد تاني إن شاء الله عشان أنا طولت قوي كدة وبقيت تقيل جدا ...
لكن أنا صراحة فرحان جدا ....بل طاير من الفرحة إن في حد بيناقشني في الموضوع دا ...

انا راى من راى ديانة ديجورى
لازم يكون فى ترفيه فى المنتدى شوية
لذلك انا لا اوافق تماما على غلق المنتديات دول

لا اوافق على غلق هذين القسمين

لان المشكله ليس غلقهم او فتحهم المشكله انه اذا اقتنع احد ان هذه الاغانى حرام ( وانا لا افتى )

فلن يسمعها والعكس فإذا ايقن انها حلال فسيسمعها واذا لم يجدها هنا فهو يعرف اين يجدها

تماما مثل التدخين عن تجربه شخصيه انا لم امتنع عنه الا عندما وجدت ان ليس له ايه فائده وان كنت لم ار له

اضرار بعد

ياريت النقاش بأستفاضة يكون فى القسم المخصص لده ياجماعة