ملف الاستعداد لشهر رمضان(علشان تخلصى اكلك بسرعة)

Broken Girl · منذ /28-01-2008, 09:08 PM

ملف الاستعداد لشهر رمضان(علشان تخلصى اكلك بسرعة)

السلام عليكم ورحمة الله وبركاته

اخواتي الحبيبات.. بعد السلامات و... احب افتح الملف دة.. وهو ملف يخلي حياتك سهلة جدا وخاصة لو انتي موظفة.. مش في رمضان بس ولكن كل يوم.

قولولي الأول ازاي استعديتو لرمضان، وانا عن نفسي هكلمكو عن الي عملته يمكن تستفيدو:

1- نزلت السوق أمس وشريت كل حاجة رمضان وتموين بيتي والتلاجة والفريزر.. عشان تكونو عرفين ابل رمضان علاطول بتكون الحاجة غالية ناااار وبتكون الجمعيات زحمة.. دة غير ان الحاجة بتخلص علاطول وبتدوري كتير علا حاجتك.. عشان كدة انا جبت كل حاجة بدري بدري.

2- وجدت الطماطم رخيصة.. وعشان الطماطم مجنونة على رأي بياعين الخضار (مجنونة يا أوطة) ويوم غالية ويوم رخيصة.. جبت كمية كبيرة جدا للطبخ وغسلتها وحطتها زي ما هي في الفريزر وبكدة تكون متاحة لية لو عيزة اطبخ بطلعها قبلها بشوية وبعدين بسيبها تفك من الثلج وبعدين اعصرها واستعملها للطبخ .. وفي الحالة دي مش بزودها اي مية بعد العصر عشان هي اصلا بتكون فيها مية من التلج.

بس بعد ما تلجتها في الفريزر لئيته بأة مليان اوي وانا لسة عيزة اجيب حاجات تانية ومفيش مكان ليها.. عشان كدة قررت اتجه الاتجاه الآخر وهو الأفضل والأسهل.

وهقولك علا الطريقة دي هتعجبكو اوي وهتسهلكو عملية الطبخ وفنفس الوقت مش بتاخد مكان
اغسلي الطماطم واعصريها.. وبعدين ضعيها على النار تتسبك.. من غير ولا زيت ولا مية ولا بصل ولا يحزنون.. وسيبيها على النار لغاااااااااااااااااااااااااااااية اما تتسبك.

بعد كدة هاتي برطمانات فاضية وجافة.. (احزري ان تكون مبلولة بالماء فستؤدي إلى تعفن الطماطم)
بعدين عبي فيها عصير الطماطم بعد ما يتسبك وبعد كدة رشي على عصير الطماطم من فوق زيت عشان بردو يمنع التعفن. واغلقي البرطمانات بإحكام وضعيها في التلاجة

لما تيجي تطبخي.. بعد ما تحمري البصلة حطي عليها ملعقتين من الطماطم دي وزودي شوربة وحطي الخضار علاطول عشان يستوي.

بكدة انتي استفدتي كذا حاجة:

1- وفرتي فلوسك واشتريتي الطماطم وهي رخيصة.

2- نقيتي الطماطم الحلوة المستوية الحمرا للطبيخ وبراحتك بعيد عن الزحمة..

3- وفرتي وقتك لأن دي اسهل طريقة ممكن تطبخي بيها.. حتى مش هتضطري تطلعي الصلصة ابلها بفترة لو انتي متلجاها في الفريزر. بالعكس هي جاهزة عندك متسبكة.

4- وفرتي مكان في الفريزر.

كدة عرفنا حاجة كويسة بتساعدني انا شخصيا كتير في عملية الطبخ

وجبت معاها طماطم السلطة.. ولما جيت انقيها نقتها صفرا شوية وجامدة اوي عشان متبوظش معايا.. طبعا هي لحد مايجي رمضان هتكون خلصت لأننا استهلاكنا للطماطم كتير.. بس حبيت اقولكو بردو ازاي تنقو طماطم السلطة

المرة الجية هقولكو علا طرق جميلة وكتيرة عشان توفرو وقتكو.. وانا مستنية تفاعلكو وأرائكم لطريقتي في استعدادي لرمضان.. ومستنية تجاربكو

المصدر: ACTION ACADMY أكاديمية أكشن - من قسم: أكشن كيتشين Action Kitchen

lgt hghsju]h] gaiv vlqhk(ugahk jogwn h;g; fsvum)

Broken Girl · منذ /28-01-2008, 09:10 PM

السلام عليكم ورحمة الله وبركاته

شوفي .. بالنسبة للبصل ممكن من غير متحمريه تقطعيه بس في الكبة وتحطيه في الأكياس وعالفريزر، والطريقة دي اريحلي لأن كل طبخة وليها البصل بتاعها.. يعني مثلا انا بحب اعمل الكوسة والبطاطس والفاصوليا البصل بتاعها ني فني .. يعني ابيض.. وكذلك الفراخ الصينية واللحمة الطاجن ولما اجي اتبل اي حاجة..
لذلك بحطه زي ماهو متقطع بدون تحميره..

بالنسبة للتوم نفس الشيء.. بهرسه.. بس علافكرة اذا وضعتية نى يكون افضل
لأني بردو بحب اهرسه مع حاجة على حسب الطبخة.. يعني ممكن مع الكسبرة عشان الملوخية، وممكن مع مجموعة توابل تانية عشان البرياني او تتبيلة الجمبري او الدجاج، وممكن مهرسوش خالص واقطعه بس في الطبيخ وفعلا بيسهل اي حاجة..
عموما انا هعمل طريقتك ومش حهرسه

انا في آخر الموضوع هكتبلكم علا وصفة لأكلة تحفففففففففففففففففففففة ناوية ان شاء الله اعملها في رمضان كعزومة

وعلافكرة هي طبخة خليجية.. ومشهورة جدا.. ولذذذذذذذذذذذيذذذذذذذذذذذة اوي اوي اوي
وكل الي بيدوقها بتعجبه موت..

وفوق دة كله سهللللة اوي اوي اوي ومش بتاخد وقت..

مش هقولكو عليها دلوقت

عايزين نستغل شهر رمضان للعبادة والتقرب الى الله مش هنقضية كله فى المطبخ
اللهم بلغنا رمضان واكتبنا فيه من العتقاء من النار ................. اللهم اميييييييييييييييييييييييييييييييييييين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري