الحب = صفر ((قصة قصيرة ))

Gogo · منذ /05-09-2007, 04:29 AM

السلام عليكم

عدت بموضوع أدبى جديد

بعد ان اهملت قلمى

وهنا اعطيه كل العذر ليخطىء

فقد وضع خارج الخدمة لفترة ليست بقصيرة

فلا تلموه ولومونى

وشكرا

ملحوظة استخدمت اللغة الشبابية لان القصة للشباب كعبرة وعظة

*************

الـحـب = صـفـر

أفاق أهل بيت ((أدهم المصرى)) على تلك الطرقات المتتالية وبغضب شديد أفاق ((كريم )) الاخ الأكبر ل((أدهم)) .

((كريم)) : (أنت ياعم ((أدهم )) فوق تلاقيه حد من اصحابك الرخمة ).

((أدهم )) : ( طيب حاضر قايم اهوه )).

وأفاق أدهم وأسرع ليوقف تلك الطرقات المتعالية وفتح الباب

أدهم : (مين ادم يخرب عقلك الساعة 6 الصبح يابنى ادم ).

أدم : ( سيبك ياعم البس بسرعة ومستنيك فى عربيتى تحت ماشى الكلام ).

أدهم : (ماشى رايح فين ...).

أدم : ( خفة ياااااض انا نازل ).

أدهم : (طيب) .

أسرع (أدهم) بارتداء ملابسه باسرع مما يمكن ومش عشان خاطر عيون (ادم) على العكس ولكن لكى لا يصطدم بوالده ككل يوم لياخذ درس هو وصاحبه فى الاحساس بالوقت ووووو فاسرع دون إفطار

أدم : (نالس تفطر وناس لا تصدق انك عيل مش تعزم على ولو بشاى بلبن ).

أدهم : (المهم سيبك اتصرفت فى الفلوس ).

أدم : (لا اتصرفت فى العربية انا وانت على فيض الكريم أبيض من الصينى بعد غسيله ).

أدهم : (خلاص هتصرف ).

أدم : (يا ابنى عرفها انك ظروفك وحشة وان موضوع البورصة ده جاب شركتكم الارض ).

أدهم : ( لا ).

أدم : ( طيب هتعمل ايه هتخبى لامته الموضوع ده هينهى علاقتكم 100 فى ال100 ).

أدهم : ( ياريت مش تتكلم فى الموضوع ده أحسن هنزل ) .

أدم : ( طيب عارفك مجنون وتعملها ).

وبعد عشرين دقيقة وصل الصديقان إلى كلية صيدلة جامعة الإسكندرية

أدهم عندما لمح أحد صديقاته من بعيد

أدهم : ( فك انت يا (أدم ).

أدم : (مش معايا فلوس يا جدع انا لسه معرفك ).

أدهم : (طيب والله لو مامشيت ل..).

أدم مقاطعا (أدهم ) : (خلاص خلاص همشى ده انت .......).

واختفى أدم فأسرع أدهم بالتوجه لتلك الفتاة الجميلة رشيقة القوام

أدهم : (أهلا مريم ).

مريم : ( بخير يا ادهم مالك ).

أدهم : ( ماليش ).

مريم : (لا بجد مالك ).

أدهم : ( صدقينى مافيش ).

مريم : (عندك إستعداد تسمعنى ).

أدهم : (أوك اتكلمى ).

مريم : ( طيب عندك قدرة تسمع اخبار صعبة شوية )

أدهم : (قولى مش هتفرق ).

مريم : (انا اتقدم لى واحد ).

أدهم وهو يحاول كبت غيظه : ( ومين حضرته ....؟؟؟؟).

مريم : (ابن شريك والدى وطبعا بابا موافق ومرحب وماما كمان ).

أدهم : ( يعنى أزغرد ).

مريم : ( بطل رخامة أنا رفضت ).

أدهم : ( وليه يعنى رفضتى .......).

مريم : (انا همشى عندى سكشن لو( نورهان) جات عرفها أنى فى سكشن سلام ).

أدهم : ( سلام )

أدم : ( ايه ياعم الحبيب مالك ).

أدهم : ( اسمع ياسيدى ).

وحكى (أدهم ) ل (أدم ) كل الموضوع

أدم : ( تسمع نصيحتى ).

أدهم : ( قول ).

ادم : ( ومش هتزعل ).

أدهم : ( ياسيدى قول ).

ادم : ( فركش الموضوع دول رفضوك وأنت ابن أكبر مهندس كمبيوتر فى البلد فما بالك وانت على فيض الكريم ).

أدهم : ( وهو سهل على اقول لها كده أقول لها انسى كل كلامى وأنسى كل احلامنا ).

ادم : ( ياسيدى لازم انت كده هتبوظ لها مستقبلها صدقنى ).

ادهم : (انا مروح يا ابنى لو حد سال على عرفه انى صدعت ومشيت ).

أدم : ( والمحاضرات والسكاشن ).

أدهم : ( طز).

استعاد ( أدهم ) كل شىء فى ذاكرته خلال الطريق من كلمات (مريم ) وتوقف عند كلمة أقصى شىء بكرهه الخيانة وتوصل للحل هو حل قاسى عليها قبله ولكنه سيحل له مشكلة وهى الإعتراف بعجزه أما الظروف

وفى اليوم التالى بالجامعة

نورهان : ( مريم فين يا ابنى ).

أدهم : (أهلا يا نورهان مش هتيجى دلوقتى يومها من اول 12 الظهر).

نورهان : ( طيب ).

وانصرفت مصاحبة صديقتها

أدهم اللى فكر فى فكرة وأسرع فى تنفيذها

أدهم : ( نورهان ).

نورهان : ( أيوه يا سيدى ).

أدهم : ( مش تعرفينا ؟؟؟؟).

نورهان بإستغراب نسيت : ( دى (هيا) ياسيدى كلية علوم بس أولى لسه ).

أدهم : ( تشرفنا ).

هيا : (أنا اكثر ياسى (ادهم) ).

أدهم : ( ماكنتش أعرف ان علوم فيها بنات حلوين كده ).

هيا : (وانا مكنتش أعرف ان صديلة فيها اولاد رخمين كده بس بيجاملوا قوى ).

أدهم : (ههههههههههه ده الكارت بتاعى لو احتجتى شىء ).

هيا : ( اوك بس مش هحتاج ).

أدهم : ( هنشوف ).

نورهان : (يالله يابنتى ورانا حاجات نشتريها سلام يا ادهم ).

أدهم : (سلام يا هيا ).

(أدم) اللى جيه بسرعة مين البنت الأمورة دى يا ابنى يخرب عقلك كفاية عليك( مريم)

أدهم : (دى اللى هنهى بيها موضوع مريم ).

أدم : ( هتقلب( مريم) وتروح لدى هى أمورة اه بس( مريم) عائلة واسم وووو ).

ادهم : (قولت هنهيه مش هروح لدى افهم ).

أدم : ( رد على موبايلك).

أدهم : ( طيب دى مريم يا ابنى ).

مريم : ( مين الست اللى قعدت تسبلها دى يا سى (أدهم) ).

أدهم : (ياستى دى هيا بنت زى العسل ).

مريم : ( والله طيب مش عايز رقمها زى الكارت بتاعك ده انا مش معايا كارت ليك ).

أدهم : (طيب هاتى الرقم ونتفاهم فى موضوع الكارت ).

مريم : (.................) يعنى قفلت فى وشه

أدم : (انت مستفز يا ابنى مستفز جدا ).

أدهم : ( بقول لك انا رايح علوم بكره ).

أدم : ( ليه يا اخويا ).

أدهم : ( مش محتاجة سؤال سلام ).

أدم : ( انت مش هتحضر برضه ).

أدهم : ( مش هتفرق مش هتفرق شهادة لميت ).

أدم : ( مش فاهم ).

ادهم : ( بكره تفهم ).

وبعد إنصراف (أدهم) جاءت (مريم)

مريم : (أدهم فين يا أدم ).

أدم : (ورحمة خالى حسن اللى معرفوش و اللى مات محروق ما أعرف يكون راح علوم ).

مريم : ( راح للست يعنى طيب ).

وانصرفت ( مريم) وانتهى اليوم بغير جديد

ويبدا يوم جديد أستهله (ادهم) بالذهاب لكلية علوم وبالبحث عن جدول الفرقة الأاولى عرف مكان( هيا)

هيا : (أعتقد ان دى مش صدفة ).

أدهم : ( مش أعتقد ).

هيا : (طيب ممكن اعرف السبب ) .

أدهم : ( قولى إعجاب ).

ومن بعيد كانت (نورهان) تتحدث فى خفوت بالموبايل الخاص بها

أدهم : ( اعتقد عندك رست (راحة) ساعتين صح ).

هيا : ( اه بس ).

أدهم : ( ممكن اعزمك فى الكافيتريا ).

هيا : ( على حسابى انت عندنا فى كليتى ).

أدهم : (انسى ).

وفى استمرار الحديث فى الكافيتريا

مريم : ( اهلا يا روميو الكلية طيب خلى عندك دم ياسيدى وألعب بعيد عنى ).

أدهم : (مريم ..).

مريم : ( مش تنطق أسمى ده تانى انت إنسان حقير وسافل و............. ).

أدهم : ( انا ........).

مريم : (أنت زبالة مش أكثر ).

وأسرعت تجرى ودموعها تسيل اما ادهم فترك الجامعة وذهب

إلى محطة القطار ونظر إلى قضبان السكة الحديدة قائلا : (نهايتى هنا)

ووقف منتظر نهاية قصته بعد انا جعل الجميع يكرهه حتى لا يندم عليه احد

وبعد مرور 3 أيام من البحث وجدوا ادهم الشاب المثالى والخلوق ونتيجة ياسه جثة داس

عليها القطار وفى العزاء الخاص به

أدم محدثا مريم : (شكرا لحضورك ).

مريم : ( صدقنى مش عشانه ده أنسان ... يالله مش هينفع ).

ادم : (كنت بحسبك فاهمة ).

وحكى لها الموضوع باكلمه

مرمي : ( طيب وايه فائدة الحب لو الفلوس كل حاجة ).

أدم : ( فى زمننا الحب يعادل = صفر ).

*************

أنتهت القصة

تنويه بسيط أى تشابه فى احداث او اسماء القصة

هى نتيجة الصدفة البحته

المصدر: ACTION ACADMY أكاديمية أكشن - من قسم: أكشن همس أقلامنا

hgpf = wtv ((rwm rwdvm ))

طنطاوى · منذ /01-04-2008, 10:57 PM

hi

اولا واضح من التاريخ ان ادهم ميت من زمان

تسلم ايدك يا جوجو

بس

ادهم و ادم اسمين متشابهين عاملين لخبطه

SaD FlOwEr · منذ /02-04-2008, 01:35 PM

ايقع سريع كويس جدا بس القصه قصيره جدااا جدا
اممممم فعلا الاسماء تلخبط جامد طحن ...مش عارفه فى حاجات شويا ناقصه مش عارفه اهى بالضبط بس ...خلاص كفايه كده

Lulu Caty · منذ /11-03-2011, 10:38 PM

علي فكره انا دخلت القصه دي بس اول مره اقراها تصدق
بجد هيه حلوة جدا
بس معجبنيش تصرف ادهم خالص كان المفروض انهم يعدو المحنه دي مع بعض
و فعلا مريم عندها حق ايه فايده الحب لما الفلوس ممكن تنهي كل حاجه
يبقي نلغي الحب بقي ..
بس قصه حلوة جدا و نهاية مؤلمه
تقبل مروري

AlGaMar · منذ /10-05-2011, 09:08 PM

0x1=0
معادلة صحيحة جدا
س = ص
÷
صفر
( ................. )

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذكرى إليكترونية ----------- قصة قصيرة	Gogo	أكشن همس أقلامنا	15	10-05-2011 09:10 PM
هذيان (قصة قصيرة)	oritia	أكشن همس أقلامنا	2	01-04-2008 06:30 AM
جنى فى كى جى ون ((قصة قصيرة ))	Gogo	أكشن همس أقلامنا	7	05-12-2007 10:20 PM
خيالات ليليه ... قصة قصيرة	m.a.k	أكشن همس أقلامنا	2	24-08-2007 09:30 PM
.: اغلق النافذة .: قصة قصيرة	killer prince	أكشن همس أقلامنا	10	12-08-2007 06:04 PM