الكلاب لا تأكل الشيكولاته .. " ملخص سنه 2007 "

MaDy · منذ /13-08-2007, 04:56 AM

الكلاب لا تأكل الشيكولاته .. " ملخص سنه 2007 "

ديه حبة حكم و أمثال عصريه .. طبعا العنوان ملهوش دعوه بالبطاطس ..
المهم أظبطوا نفسكوا و استعدوا ..
.
.
.
1
.
.
.
2
.
.
.
3
.
.
.
-
- الصديق هوه الأنسان الي بيبقه عارفك كويس و مع ذلك بيحبك .
.
- قبل الجواز الراجل يسهر يفكر في كلمه البنت قالتها , و بعد الجواز بينام قبل متقولها .
.
- الحما بتعاقب الزوج علي حاجه ملهوش ذنب فيها و هيه انه مستحيل يتجوزها .
.
- كل ست بتحلم لبنتها انها تلاقي عريس أحسن من اللي لقيته هيه شخصياً , بس بتبقه متأكده من أن ابنها عمره مهيعرف ينقي عروسه زي مأبوه عمل زماااااان .
.
- الرجل الشيك بيبقه عارف كويس عيد ميلاد مراته بس ما يعرفش سنها .
.
- الام بتفضل تضحك علي ابنها خمسه و عشرين سنه و في الاخر تيجي بنت تضحك عليه في ربع ساعه .
.
- االست من غير راجل زي السلعوه من غير تُك تُك .
.
- لو عايز الحاجه تتقال صح إديها لراجل , و لو عايز الحاجه تتعمل صح إديها لست .
.
- الراجل محظوظ اكتر من الست في حاجتين انه بيتجوز متأخر و ييموت بدري .
.
- الصبر الحاجه الوحيده اللي لازم تستعجل و انت بتتعلمها .
.
- الوسواس القهري حاجه صغيره و لها ظل كبيييير .
.
- إستمتع بالحجات الصغيره لأن بكره هتعرف إنها كانت كبيره .
.
- الضمير هو الصوت الي بيقولك : " خد بالك أحسن يكون حد شايفك " .
.
- المتفائل شخص عديم الخبره .
.
- الواحد بينزل من بطن أمه بيعيط بحرقه و لما يكبر بيعرف كان بيعيط ليه .
.
- الست زي الرزق , الحلال فيه بركه و الحرام مسيرك هتدفع ثمنه .
.
- الغياب يقتل قصص الحب الصغيره و بيقوي قصص الحب الكبيره .. زي الرياح ما بتطفي شمعه علي الترابزه و تزود حريقه في الغابه .
.
- الراجل زي الشجره مينفعش تشيل عصفوره واحده بس .
.
- الراجل مبيطلبش من مراته إنهم يتعشوا علي أضواء الشموع إلا إذا كان النور مقطوع .
.
- الراجل لما يجي يقول كلام حب للست لازم يسبل عينيه علشان يخليها تصدقه , زي مالواحد بيفتح بقه لما يجي يأكل البيبي علشان يخليه ياكل .
.
- الزوجه ممكن تضايقها عباره " انت تخنتي " اكتر من عباره " انت طالق " .
.
- اللي ينفخ في الزبادي يبقه اتلسع من الشربه .
.
- لو كنت مكان ابويا مكنتش خلفتني .
.
- الناس الكويسه أضعف من إنها تغير حاجه في المجتمع , بالظبط زي الأسفنج ما قدرش يمتص ميه البحر اللي عايش فيه .
.
- خلف كل رجل عظيم امرأه خلته يطلع همه في الشغل !
.
- ليس الشباب يعود يوماً .
.
- مسير الحي يتسفلت .
.
خبر :
أنا أشتريت لاب توب جديد هديه لنفسي بمناسبة عيد ميلادي , و أحب بالمناسبه ديه أهدي لنفسي أغنيه عبد الحليم " يا مفرقين الشموووووووووووووع .. أنا مخدتش "
و السلام عليكم و رحمه الله و بركاته
و اقابلكم في موضوع تاني جديد برضه ..
اه قبل منسي المقال ده منقول من مجلة إحنا و الكاتب اسمه عمر طاهر
" ديه وصية الكاتب "
سلااااااااااااااااااااااام :SM158:

المصدر: ACTION ACADMY أكاديمية أكشن - من قسم: منتدى النكت والطرائف Jokes & Funny

hg;ghf gh jH;g hgad;,ghji >> " lgow ski 2007

طنطاوى · منذ /14-08-2007, 03:14 AM

- مسير الحي يتسفلت
الغياب يقتل قصص الحب الصغيره و بيقوي قصص الحب الكبيره .. زي الرياح ما بتطفي شمعه علي الترابزه و تزود حريقه في الغابه .

- االست من غير راجل زي السلعوه من غير تُك تُك

- الصديق هوه الأنسان الي بيبقه عارفك كويس و مع ذلك بيحبك .
.
- قبل الجواز الراجل يسهر يفكر في كلمه البنت قالتها , و بعد الجواز بينام قبل متقولها .

وحلوة حكايه البطاطس دى يمان
عرفت تضحك عليا بجد
موضوع ميل وفى انتظار المزيد من البطاطس
tantawy
كل ست بتحلم لبنتها انها تلاقي عريس أحسن من اللي لقيته هيه شخصياً , بس بتبقه متأكده من أن ابنها عمره مهيعرف ينقي عروسه زي مأبوه عمل زماااااان .

طيب ايه علاقه السلعوة بالتكتك مش عارف !!!

rill · منذ /19-08-2007, 01:27 PM

انا معاك يا طنطاوى ايه علاقه السلعوه با تك تك
الزوجه ممكن تضايقها عباره " انت تخنتي " اكتر من عباره " انت طالق " .
انا عن نفسى اطلق كل يوم بس ما يقوليش انتى تخنتى
لو عايز الحاجه تتقال صح إديها لراجل , و لو عايز الحاجه تتعمل صح إديها لست
لا انا شايفه العكس يا مادى
جميل واستمر فى انقل

MaDy · منذ /02-09-2007, 04:08 AM

اقتباس:

انا معاك يا طنطاوى ايه علاقه السلعوه با تك تك

ههههههههه
يبقه انتوا مفهمتوش الجمله صح اقروها تاني و حاولوا تفهموها
و علي فكره .. الكلام ده رهيب و فعلا الي كات الكلام ده
راجل ملهوش حل ..
سلام

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاهلى وأبو تريكة" الأفضل" عربيا فى استفتاء" الرياضة للأبد "	hoooda	أكشن سبورت نيوز Action Sport News	1	05-02-2011 09:50 PM
أنقرة "سعيد" يهزم دينزلي .. وكونيا "السقا وعبد الله" يتعادل مع قيصرة	mando	أكشن سبورت نيوز Action Sport News	0	23-08-2007 07:04 PM
كونيا "السقا وعبد الله" يواجه هامبورج "زيدان" وديا	KILLUA	أكشن سبورت نيوز Action Sport News	0	18-07-2007 06:32 PM