|
 |
 |  |  |
| |||||||
 |  |  |
| منتدى النكت والطرائف Jokes & Funny اضحك كركر اضحك فرفش وسيبك من الهم والغم |
 |
| | LinkBack | أدوات الموضوع | انواع عرض الموضوع |
 منذ /07-08-2010, 05:32 PM | #1 (permalink) | ||||||||||||||||||||||||||||||
 |   التفرقة العنصرية فى الميكرواصصباح الخير على أحلى أعضاءفى أجمل منتدى النهاردة أنا جايبلكم التفرقة العنصرية بين الولد والبنت فى الميكروباص وعايز أشوف أرائكم أوك طبعا وانتا بتوقف الميكروباص وياسلام لو مافيش مكان لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك ثانيا :- طبعا وانتا طالع كتير مننا ممكن يخبط راسه في الباب طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا ثالثا :- وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل .... ولو قفلت الباب بالجامد بقا لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب رابعا :- طبعا ممكن يجيلك تليفون وانتا قاعد في الميكروباص لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه رابعا :- لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا) انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه خامسا :- طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟ بصوا هو الكلام ده ساعات بيحصل معايا أنا عايز كل شاب يدخل يقولى الكلام ده بيحصل معاه ولا لأ أوك المصدر: ACTION ACADMY أكاديمية أكشن - من قسم: منتدى النكت والطرائف Jokes & Funny hgjtvrm hgukwvdm tn hgld;v,hw hgjtvrm
| ||||||||||||||||||||||||||||||
     |
| منذ /01-09-2010, 04:16 AM | #2 (permalink) | ||||||||||||||||||||||||
| رد: التفرقة العنصرية فى الميكرواص
بص بقى يا عم هارى بوتر78 انت طبعاً والله العظيم دمك زى العسل ونقلت الموضوع اللى تقريبا حصل مع غالبيتنا لكن فيه ناس وانا واحد منهم افضل راكب مع السواق لغاية أما يوصل الموقف يعنى فى الأخر وبعدين ارجع ماشى الكام محطه اللى فاتو
التعديل الأخير تم بواسطة عبدالمهيمن ; 01-09-2010 الساعة 04:21 AM | ||||||||||||||||||||||||
| |
| منذ /01-09-2010, 04:38 AM | #3 (permalink) | |||||||||||||||||||||||||||||||||||||||||
الفريق المفضل:  | رد: التفرقة العنصرية فى الميكرواص
هههههههههههههه انا الحمد لله ربنا تاب علينا من زمان من الميكروباص والاتوبيسات والحاجات دي بس اطرف موقف عن التفرقة كنت راكب جنب السواق وعارف انى نازل قريب مجرد شارع يعنى بيكيره دقيقة مشى يعنى لا يستاهل تاكسى ولا بتاع قولت لها يابنت الحلال ادخلى جوه عشان مش انزلك وهى ولا هى هنا وبتبص للسواق بقرف كأن عنده جرب ولو قولنا مش عايزة تقعد جنب راجل على اساس انى محرم يعنى ولا مختلط المهم ركبت وجيه الموعد المعلوم وعايز انزل وجيش بعد اذنك ولو سمحتى ولا هى هنا ومش عرفت انزل إلا بعد الشارع ب 5 شوارع وقت ماهى نزلت حاجة تخنق  تسلم يا فادي 
| |||||||||||||||||||||||||||||||||||||||||
| |
| منذ /01-09-2010, 08:21 PM | #4 (permalink) | ||||||||||||||||||||||||||||||
| رد: التفرقة العنصرية فى الميكرواص معاك حق والهى يا جوجو
| ||||||||||||||||||||||||||||||
| |
| منذ /01-09-2010, 10:40 PM | #5 (permalink) | |||||||||||||||||||||||||||||||
مقالات المدونة: 4 | رد: التفرقة العنصرية فى الميكرواص اخر تعامل ليا كان مع الميكروباص كنت انا بجرى وراه والحمد لله لحقته بس لما وصلت الموقف رجعت فى اللى بعده المهم
| |||||||||||||||||||||||||||||||
| |
| منذ /02-09-2010, 01:44 AM | #6 (permalink) | ||||||||||||||||||||||||||
| رد: التفرقة العنصرية فى الميكرواص
والله من المهازل اللى بشوفها والحاجات اللى بتحصل فى الميكروباصات أحب أقول حاجة واحدة للشباب شايف نفسك هتركب جنب بنت .. قدام بنت .. ورا بنت تحترم نفسك كده وتقعد باحترام مش عاجبك انزل ومتركبش فيه وابقى قدم شكوى لوزارة النقل يعملوا ميكروباص للشباب على فكرة يا جوجو لو البنت كانت قعدت بينك وبين السواق كان هيبقى منظرها مش ظريف وياما بتحصل مشاكل وطولة لسان وحاجات تانية كتير بسبب الموضوع ده وشخصيا أعرف واحدة اتفسخ خطوبتها بسبب انها اضطرت تقعد بين السواق وواحد راكب اشوفكم بخير وقدروا البنت شوية فى المواصلات
| ||||||||||||||||||||||||||
| |
| منذ /02-09-2010, 10:51 AM | #7 (permalink) | |||||||||||||||||||||||||||||||||
مقالات المدونة: 2 | رد: التفرقة العنصرية فى الميكرواص
ههههههههههههههههههههههه عجبني الموضوع اوي يا فادي موتتني من الضحك و الله ،، تسلم ايدك ليك 300 نقطه هديه صغنونه كده علي الموضوع الجامد ده
| |||||||||||||||||||||||||||||||||
| |
| منذ /02-09-2010, 11:05 AM | #8 (permalink) | |||||||||||||||||||||||||||||||||||||||
الفريق المفضل: | رد: التفرقة العنصرية فى الميكرواص
اقتباس:
ولو كده تبقى تنزلى مكان ما انا نازل + وده الاهم والاهم قوى يعني وتركب ميكروباص ليه ماله التاكسى يعني وحش يعنى انا عشان نازل بعد اقل من ثواني لولا الحر كنت اتمشيت ولو وقفت تاكس قولت له شوية قدام ياريس هيفتكرنى اهبل بلاش برضه تحسسونا انكم ملائكة يا روءة  بلاش انتوا ولا تقربوا للملائكة فى حاجة  نصيحة لكل بنت وكل شاب سيبك من الميكروباص وخليك فى التاكسى انا وطنطاوي وبلودي كل مشوارينا تاكسى الحمد لله لله  او بعربية انما ميكروباص اللهم توب علينا يارب 
| |||||||||||||||||||||||||||||||||||||||
| |
| منذ /02-09-2010, 03:25 PM | #9 (permalink) | ||||||||||||||||||||||||||
| رد: التفرقة العنصرية فى الميكرواص
انا مش هتناقش زيادة فى الموضوع ده عشان والله انتوا بتهرجوا انتوا متعرفوش البنت بتتبهدل قد ايه فى المواصلات والشباب كل اللى عليه يستظرف وبس
| ||||||||||||||||||||||||||
| |
|
| مواقع النشر (المفضلة) |
| الكلمات الدلالية (Tags) |
| الميكرواص, التفرقة, العنصرية |
| أدوات الموضوع | |
| انواع عرض الموضوع | |
|
|
|
|
Rss = Rss 2.0 = Html = Xml = Sitemap = sitemap2 = sitemap3
This Site is Best View With Mozilla Firefox 
at 1024*768
]
) قعد بقى يفهمها ويعرفها ويتعرف عليها ولما لقى مشمعاها فكه يا عينى دفعلها 
العرض العادي
