حب على الأنترنت

Gogo · منذ /12-02-2007, 01:12 AM

حب على الأنترنت

-*-مقدمة لابد منها-*-

السلام عليكم أخوتى

قبل أن أبدأ فى كتابة هذه القصة الطويلة وهى (حب على الأنترنت) وتتعرض قصتى لأحد الظواهر الهامة فى حياتنا وهى موضوع

المحداثات عبر البريد الإليكترونى (الشات) والتى تنقلب لحب وقد تتطور لما يفوق هذا وهو واقع ملموس منها الجاد والمثير للإهتمام ومنها

العابث الطالب للتسلية فقط .
وهنا سنرى وندرس العديد من الأوجه عبر صورة واحدة ولكنها شاملة فإلى قصتنا ..........
تدور احداث القصة بين شباب وعلى أجهزة وبطرق حديثة لذا ستظهر اللغة الشبابية والعامية !!!!!!!

*-*أول يوم أنترنت*-*
أفاق (أدهم المصرى ) على صوت والده ليذهبا معا إلى كليته لتقديم أوراقه لشئون الطلاب بها وهى كلية الصيدلة بجامعة

الإسكندرية وقد قام (أدهم) بتقديم التنسيق الخاص به عبر الأنترنت قال (أدهم) مخاطبا والده :-
أدهم : (صباح الخير يا أبى ).
والده : (صباح الخير يا (أدهم) ).
أدهم : ( أرأيت يا أبى فائدة الإنترنت .....).
والده : (أعلم أن للأنترنت فوائد يا ولدى العزيز ولكن هذا جزء ولكن ذلك لا ينفى وجود الكثير من الإستخدمات السيئة للأنترنت).
أدهم : (ولكن الأنترنت كالتلفاز المتصل بالأقمار الصناعية وبواسطة أداة التحكم الخاص به (الريموت كنترول) نستطيع أستخدامه

استخدام سىء او أستخدام مفيد وكذلك الجوال والحاسب الآلى.....).
والده : (ألا زلت مصر على هذا الموضوع .......؟؟؟؟؟؟؟؟؟؟).
أدهم : (بالتأكيد يا أبى .......ولن ارضى إلا بأفناعك).
(والده) وهو يهم بترك المائدة : (اذا نتحدث فى هذا الموضوع بعد عودتنا ..).
واتجه (أدهم) و(والده) إلى سيارتهم الخاصة منطلقين إلى جامعة الإسكندرية كلية الصيدلة وبعد حوالى نصف ساعة كأن (أدهم) و

(والده) ينتظرون أن يخف الزحام من امام مكتب شؤن الطلاب وسمع (أدهم) و (والده) هذا الحديث بين أحد الطلاب ووالده
الطالب : ( يااااااااه كل الناس دى قدمت عبر الأنترنت).
والده : (يا (احمد ) الانترنت أصبح جزء من حياتنا وتلك مساعدة لخفض الزحام من الدولة فلماذا لا نستخدمها وقد تم تامينها باكثر من

طريقة).
نظر (أدهم ) باسما إلى (والده) الذى أسرع بالإشارة لاحد العمال (الفراشين) مناولا إياه الاوراق الخاصة بكلية (أدهم) ومعها ورقة

مالية قيمة الخمسون جنيها فأسرع العامل بسرد بعض الكلمات الضروية مثل (كثر خيرك ) و(مش لازم ) وووووو (ضروريات الضحك

على الزيون).
وبعد دقائق كان (أدهم ) و ( والده ) فى طريقة العودة بعدما تمكنا من التغلب على الروتين بصاحبه المجنون المال
أدهم : ( ماكانشى لازم تدفع يابابا العدد كان بدأ يقل وانت كده ساعدت العامل على انه ما يشتغل إلا لما يدفع له إمال الر اتب بتاعه

بياخذه على أيه...؟؟؟؟).
والده : (مش مهم يا (أدهم ) وماتنساش إنى مستعجل وعندى شغل والكل بيعمل كده مش انا لوحدى ).
أدهم : (بس اتأكدت بقى يا سى بابا من فائدة الإنترنت).
والده : (خلاااص يا (أدهم ) أتصل بالشركة اللى تعجبك لخدمات الأنترنت وأتفق معاهم كده إرتحت ).
أدهم : ( شكراااااااا يابابا يا أحلى اب فى الدنيا
أسرع (أدهم ) لتليفون المنزل (السبيل بتاع المكالمات ) محدثا أحد الشركات المخصصة فى توصيل الأنترنت وبعد ساعات كان (أدهم) فى

حجرته على جهازه الشخصى يتصفح الأنترنت وأسرع بالبحث عن معلومات عن شخصيته المفضلة والمحببة فوجد شىء يسمى بالمنتدى

المخصص للحديث عن تلك الشخصية وقام بالتجول فى هذا المنتدى ولكنه وجد جميع الموضوعات لا تظهر لان المنتدى يطلب منه

التسجيل لرؤية المواضيع أسرغ بالتسجيل ولكن التسجيل يحتاج لبريد إلكترونى وهو لا يملك بريد إليكترونى فأسرع إلى تليفونه المحمول ليكلم

أحد أصدقائه ليستشيره فى كيفية الحصول على بريد إليكترونى (يعنى ايميل يا جهلة ) وبعد انا تعرف على الطريقة قام بالتسجيل بأسم (

ألأسطورة ) ومر على (أدهم) شهر كامل أصبح فيه مركز تعليمى لأصدقائه لذكائه الشديد وسرعة تعلمه وفى ذلك اليوم و أثناء

تصفحه للمنتدى وصلت له رسالة خاصة من أحد الأعضاء وبما انه محب للصداقة وللحصول على أدصقاء جدد قام بارسال ايميله لهذا

الشخص ولكنه لم يعمل أنا ما ينتظره هو خطوة على الطريق المؤدى للحب.......
ذلك الحب ........
حب على الإنترنت..........

قد يكون الفصل قصير بل وقصير جدا ولكن على ضوء رد الفعل ستتحدد التكملة
؟؟؟؟؟؟؟؟؟

المصدر: ACTION ACADMY أكاديمية أكشن - من قسم: أكشن همس أقلامنا

pf ugn hgHkjvkj

hoooda · منذ /12-02-2007, 02:01 AM

بجد شكراااااااااا يا جوجو على القصة الرائعة فلانترنت لة فوائد ومزايا كثيرة والاصدقاء كثيرين على الانترنت ومتعاونين

Rooney · منذ /12-02-2007, 10:18 AM

شكراا جوجو على القصة وفى انتظار البقية بفارغ
الصبر لأنها فعلا مميزة بس ياريت الفصل الثانى يكون
اطول بكتير لأنها جميلة فعلا واستمتعت عند القراءة

lolo · منذ /13-02-2007, 05:39 PM

اكيد القصه هتكون اجمل فى التكلمه مش هقدر ارد الا بعد قرائه بقيه الفصول

Gogo · منذ /13-02-2007, 06:06 PM

شكرا حودة ووائل ولولو على ردودكم
والفصل القادم اليوم باذن الله
سلاااااااااااااام
ونورتم الموضوع

Gogo · منذ /14-02-2007, 06:37 AM

حب على الانترنت 2

كلمة بكلمة

الفصل الثانى

قام (أدهم) بإرسال البريد الإلكترونى الخاص به لصاحب الإيميل وأسرع بفتح بريده الشخصى وجاء الرد سريعا
------ : (السلام عليكم).
أدهم : (وعليكم السلام ورحمة الله وبركاته ).
----- : (عامل ايه؟؟؟؟).
أدهم : ( الحمد لله وانت....؟؟؟؟).
----- : (بخير).
ادهم : ( ممكن نتعرف....؟؟؟؟ يعنى عرفنى بيك ).
توقف الحديث لفترة أحس (أدهم) بالقلق والحيرة فعل اخطأ....؟؟؟؟
ادهم : (انت لسه معايا؟؟).
----- : (انا بنت مش ولد ......!!!!!!).
أدهم : (أسف ممكن تعرفينى بحضرتك ؟؟؟؟).
----- : (أنا (ندى) واسمى بالمنتدى زهرة البساتين وانت .....؟؟؟؟).
أدهم : (أنا (أدهم محمد المصرى ) واسمى بالمنتدى (الأسطورة ) زى ما انتى عارفة ).
ندى : ( كمل ...؟؟؟؟)
أدهم : ( اعدادى صيدلة جامعة الإسكندرية وساكن بسيدى بشر بالأسكندرية يعنى إسكندرانى صرف وعمرى 17 سنة و6 شهور

وشوية أيام ولو عايزة رقم البطاقة مايضرش ......).
ندى : (هههههههه شكلك دمك خفيف ).
أدهم : ( الله يخليكى دواجن (ده واجب بس بأسترخام وعشان انفلونزا الطيور ) علينا والله كملى بقى أنتى ).
ندى : (ههههههه أنا بقى ياسيدى (ندى عادل مجدى) من القاهرة من الزمالك بالجزيرة الوسطى 16 سنة إلا شهرين ولسه فى

بداية ثالثة ثانوى علمى ).
أدهم : ( تشرفنا وربنا معاكى جبتى بقى كام فى ثانية ثانوى ؟؟).
ندى : (95 %).
أدهم : (بسم الله ما شاء الله يارب أشوفك دكتورة قد الدنيا بس بشرط أتعالج ببلاش .؟).
ندى : (ههههههههه بطل تريقة ).
ادهم : ( لا بجد سهلة جدا أنا داخل صيدلة ب96 وكنت جايب فى ثانية 92 % وكسور ).
ندى : (ربنا يوفقنا ويوفقك).
أدهم : (ممكن أسالك سؤال محرج شوية )
ندى : (أتفضل ).
أدهم : (أنت طلبتى إيميلى ليه ؟؟).
ندى : ( يعنى كنت متضايقة وأنا من مواضيعك قولت أن دمك خفيف وعجبنى أسم الاسطورة كمان فقولت أكلم حدد يخفف عنى ).
أدهم : (شكرا لثقتك ).
ندى : (العفو أسفة مضطرة أخرج أشوفك بكره على خير سلااااااام).
أدهم : (سلااااااااااااااااااااام).
أغلق (أدهم) إيميله فلم يجد أى شىء يستحق بقاء إيميله مفتوح وأسرع إلى سريره وبعد أربعة ساعات من النوم (أفاق) أدهم مبكرا على

خير عادته وأسرع ليفتحه إيميله وأنتظر طوال النهار دخول (ندى) ولكن (ندى) لم تدخل وأستمر الحال لمدة أسبوع ولكن جاء الفرج بعد

مرور يومان من الأسبوع الثانى ودخلت (ندى) وكان (أدهم) فى حالة عدم إتصال فاسرع بتغيير حالته لمتصل ولكنه لم يتحدث معها

(على أساس أنه زعلان) فقالت (ندى):-
ندى : (السلام عليكم ).
أدهم : (وعليكم السلام).
ندى : (عامل ايه .......؟).
أدهم : (كويس ...!!!!!!).
ندى : (مالك انت متضايق ....؟؟؟؟؟؟؟).
(أدهم) بغيظ : ( وهضايق من أيه ان شاء الله ما انا طاير من الفرحة أهوه ...).
(ندى ) بحزن : (أسفة ما كنتش عارفة إنى هضايقك أنا خارجة سلاااااااام ).
أدهم : (لا أستنى أنا اللى اسف ما تخرجيش).
ندى : (أسف على ايه ؟؟؟؟؟؟؟؟).
أدهم : (على طريقتى الباردة فى الكلام بس سامحين كنت قلقان عليكى حوالى أسبوع لا بتدخلى على الإيميل ولا شفتك بالمنتدى ).
ندى : (شكرا).
أدهم : (؟؟؟؟؟؟؟؟).
ندى : (أصل دى اول مرة حد يهتم بى ويقلق على ).
أدهم : (وده على أساس أن عائلتك وأصحابك ماعندهم نظر ).
ندى : (ههههههههههه الله يخليك ).
أدهم : (بجد مش هزار ).
ندى : (لا ده أنت مجامل قوى ).
أستمر الحديث المتواصل بين (أدهم) و(ندى) لمدة شهر وكان الحديث بينهم مرة او مرتان فى الأسبوع وأدرك (أدهم ) أن مكانة (ندى)

تزداد فى قلبه ولكنها مكانة خاصة مكانة الصديقة والأخت وجاءت أيام الدراسة محملة بالأتربة ههههههه أسف دى مش

الفشرة الجوية المهم وإنقطعت (ندى ) وسار دخوها مرة فى الشهر او أقل وذهبت ندى وجاء غيرها وغيرها من الصنفين واصبح إيميل (

أدهم ) قاعدة بيانات وأصبحت العادة عندما يفتح (أدهم ) ايميه يجد عشرات الإيميلات التى تطلب إضافته وفى دراسته كان (أدهم)
بعقليته المميزة و ذكائه الفطرى وكونه لاعب رياضى أهله ليصبح لاعب بفريق كرة القدم بكليته وعضو بفريق المسرح وجاءت المهمة

الكبرى أصبح (أدهم) رئيس إتحاد الطلاب بكليته بعد عزل الإتحاد السابق لتتطور حياته سريعا ويصبح من طال عادى إلى طالب مميز ذو

مكانة خاصة وأصبح معروفا فى جميع أرجاء كليته ولكن كل هذا لم يعالج جرح قلبه ذلك الجرح الذى لم يطب منذ بدايته فى أيام الثانوية

العامة ولكن رغم انشغال (أدهم) لم ينقطع عن عالمه الأخر عالمه على الأنترنت فقد تعرف على أصدقاء من الصعب أن تجد مثلهم فى

حياتك مثل عادل الشقى الصغير وفيرو وريمى ولوزة وماجوكة وداركيه وسمسم ومحمود سليم وميدو المنوفى اللى زى العسل والكثير
وفى يوم أثناء فتح (أدهم ) لإيميله بكليته وجد رسالة من (ندى ) تلك الرسالة التى حملت له الدواء والشفاء من.........
جرح قلبه

lolo · منذ /14-02-2007, 02:34 PM

أكمل اريد معرفه النهايه
على فكره الحكايه ديه حقيقة والله واعرف اشخصهم بس مش عز المعرفة
وهى لكل سارة كريم

Gogo · منذ /14-02-2007, 11:41 PM

اقتباس:

أكمل اريد معرفه النهايه
على فكره الحكايه ديه حقيقة والله واعرف اشخصهم بس مش عز المعرفة
وهى لكل سارة كريم

عزيزتى يؤسفنى ان القصة مختلفة تمام وهتلاحظى الأختلاف قريبا
وشكرا لاهتمامك وردك بس انك تنتظرى النهاية فدى عايزة 4 شهور لانى مشغول وهنزل فصل كل فترة
دمتى على خير

Gogo · منذ /17-02-2007, 07:30 PM

السلام عليكم
فصل جديد وطويل اللى هيقول قصير هضربه
يالله
منتظر رأيكم

رسالة واسم

كانت الرسالة التى وصلت ل(ادهم) من( ندى) عبارة عن رسالة من تلك الرسائل التى تدعو للتقرب لله والبعد عن المحرمات وعادة تحتوى تلك الرسائل على آلاف الإيميلات الأخرى ولكن جذب إنتباه (أدهم) إيميل يحمل اسم غريب وجميل ورغم غموض هويته احس (أدهم) انه يخص فتاة وعلى عكس عادته فقد تعود ان تاتى إضافته من قبل الأخر وليس منه قام (ادهم) بنسخ الميل وقام بإضافته وانتظر الموافقة لوم تاتى الموافقة إلا بعد اسبوع وكل يوم يفتح فيها إيميله يجد صاحب هذا الإيميل متصل ويرسل رسائل كثيرة مثل سابقتها ولكن رغم كل هذا هاب (أدهم) الموقف ولم تتملكه الشجاعة لتتحدث مع صاحب الإيميل قد يكون لأنه تعود ان يكون فى الجانب الاخر وعلى عادة الشباب كل واحد بيستهبل ويعمل نفسه مش عارف بيكلم مين بنت او ولد (الواد طيب النية) المهم بعد مرور شهر كامل على هذا الحال تحدث صاحب الأيميل
(****) : (السلام عليكم).
(أدهم) : (وعليكم السلام ورحمة الله وبركاته) .
استمر الصمت لمدة عشر دقائق وأدهم متصل من مركز الحاسب الخاص بكليته فأسرع بقول :-
(أدهم) : (اسف مش هقدر أقعد كثير عندى سكشن تشريح سلااااااام).
ولم ينتظر الرد أسرع بإغلاق ايمله وأسرع باللحاق بسكشنه وبعد أسبوع من استمرار الحرب الباردة بينه وبين صاحب الإيميل وصلت لأدهم رسالة على قسم الرسائل ببريده مثل سابقتها فقام أدهم بالرد فى رسالة ممائلة قائلا:
(أدهم) : (شكرا على رسائلك).
ولم يطل الإنتظار وجاء الرد عبر محادثة :-
(****) : ( العفو ).
(أدهم ) : ( اسف المرة اللى فاتت ماعرفت أتحدث معاك كان عندى سكشن ).
(****) : (على فكرة أنا بنت مش ولد ).
(أدهم) : (اسف مرة ثانية ممكن نتعرف .........؟؟؟؟؟؟).
وبعد دقائق فى إنتظار الرد
(****) : (ممكن).
أطلق (أدهم) تنهيدة وأحس براحة غريبة ثم بدا فى الرد
(أدهم) : (أنا (أدهم محمد المصرى) إعدادى صيدلة جامعة الإسكندرية 18 سنة وشوية شهور وأيام واسكندرانى المولد ).
(****) : (أنا لورا الجوهرى ) ثالثة ثانوى أدبى 16 سنة وشوية شهور من القاهرة).
(أدهم ) : (تشرفنا يالورا بجد اسمك جميل )
(لورا ) : ( شكرا ما انا عارفة ).
(أدهم ) : ( اوك ولا تزعلى ممكن نتعرف أكثر يعنى ايه هوااتك ؟؟؟ رياضتك المفضلة ؟؟).
(لورا) : (كرة السلة ).
(أدهم ) : (انا بقى قدم ماشى يد ما يضرش تنس ينفع اى حاجة يعنى ).
(لورا ) : ( مش ملاحظ إنك مغرور شوية ).
للم يلاحظ (أدهم) الرد وتابع فى سرد هواياته : (وبعرف أغنى وامثل ورئيس أتحاد الطلاب بكليتى ).
(لورا ) : ( أسمح لى أصح ردى السابق أنت مش مغرور شوية انت مغرور جدا جدا ).
(أدهم ) : (ليه بس .......؟؟؟؟).
( لورا ) : (من كلامك !!!!!!).
(أدهم ) : (مش عيب أنى أوضح مهارتى ومواهبى).
(لورا ) : (أنا حاسة انك مغرور قوى ومصاب بالنرجسية ) .
(أدهم ) : (أدهم ياصلاة النبى طيب ممكن تعطينى اسم محصة وعنوانها أروح أتعالج فيها ).
(لورا ) : (ههههههههه ممكن).
(أدهم ) : (الله يخليكى ).
(لورا ) : (ويخليك ).
( أدهم ) : ( وانتى بقى متعقدة من الموهوبين).
(لورا ) : (أشمعنا).
(أدهم ) : (اشمعنا ايه انتى هتدخلى لى آفية).
(لورا ) : (هههههههه طيب بدل بتعرف تغنى وترقص وتكتب وتمثل ..).
(أدهم ) : (أرقص لييه هو أنا قولت لك أنى راقصة ).
(لورا ) : (ماهى دى اللى فاضلة فاستنتجها لوحدى سيبنى أكمل ليه ما دخلت إعلام أو أى حاجة فنية ).
(أدهم ) : (عشان خاطر مامتى).
(لورا) : (مامتك شكلك دلع قوى وشكلك حبيب ماما ).
(أدهم) : (لو سمحتى بلاش تريقة).
(لورا ) : (مش تريقة بس ممكن توضيح.......؟؟؟؟).
(أدهم) : (مامتى يا تنت مش عايزانى أبعد عنها واسفر أدرس بالقاهرة أو 6 أكنوبر).
(لورا) : (أهاااااا فهمت مش بقول لك مدلع ).
(أدهم) : ( ماشى اتكلمة انتى بقى شوية جيبتى كام السنة اللى فاتت ؟؟؟).
(لورا ) : (دى حكاية طويلة اما ارجع ابقى أحكى لك لأانى عندى درس دلوقتى سلاااااااام).
(أدهم) : (سلاااااااااااااام).
أغلق (ادهم) حاسبه وضرب بقبضته على سطح المكتب قائلا مغرور وكمان نرجسية فاضل تقول لى مختل عقليا ماشى شكلى هأخذها عند معاها.
أما (لورا) فذهبت إلى درسها مع زميلاتها المفضلات (هيا) و(نرمين) وحكت لهم حديثها مع (أدهم)
نرمين : (بجد انتى مفترية يا (لورا) حرااااااااااام عليكى الواد شكله زى العسل ).
هيا : (عسل وطحينة ههههههههه).
لورا : (انا غلطانة أنى حكيت لكم أى حاجة انتوا لسه بجد عيال).
هيا : (خلاص خلاص هتكلميه تانى).
لورا : (المفروض لما أخلص الدرس ).
نرمين : (انتى نسيتى عايزين نخرج شوية حراااااام كفاية مذاكرة ).
لورا : (نذاكر ياستى لعلى وعسى ننجح).
هيا : (لعل وعسل ننجح ولا نحب ).
لورا : (طيب ).
وأمسكت بكتبها زأسرعت فى المشى دون أن تلتفت لاصدقائها وفى ذلك الوقت درا فى عقلها سؤال والح السؤال طالبا الجواب
لماذا قبلت التحدث مع هذا الشاب رغم رفضها لذلك
لماذا.........؟؟؟؟؟

أنتهى الفصل أنتظروا الفصل القادم (حب من خلف الستار)

Rooney · منذ /18-02-2007, 01:39 PM

بجد كل فصل اجمد من اللى قبله
فى انتظار الفصل الجديد بفارغ الصبر
بس متتأخرش علينا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري