أنشئ بريد على موقعك واربطه بالماسنجر .. ولا تستهلك مساحة موقعك

السلام عليكم ورحمة الله وبركاته

اليوم أقدم لكم أول دروسي إن شاء الله

وهي حصرية على أكشن ولن تنقل إلى منتدى آخر

وأرجو ذكر المصدر عند النقل

************************************************** *******

طبعا عشان تنشئ على الموقع بتاعك إيميل من السي بانل

هيكون فيه عيبين

العيب الأول
مش هتقدر تفتحه على الماسنجر غير بصعوبة وباسبورت ووجع قلب ودماغ اللي اصحاب المواقع مش ناقصينه أساسا

العيب الثاني
بتستهلك مساحة من مساحة موقعك .. وأعتقد إنه في حاجات كثير أوي ممكن تسفيدها بدل ما تضيع مساحات على الفاضي

************************************************** *******

دلوقتي ندخل في الدرس بقة

أول حاجة هندخل على موقع

http://www.domains.live.com/


تختار الزرار المتلون بالأحمر Get Started


تكتب اسم الدومين بتاعك في المكان الفارغ
وبعدين تضغط على إكمال


تختار أول خيار وبعدين تضغط استكمال .. يعني continue للي ثقافته أجنبي


هنا تضع إيميلك الهوتميل .. أكيد ما دام صاحب موقع هيكون عندك يعني
وبعدين أكيد هتعمل Sign In


اضغط على زر I Accept


كدة نبقة تقريبا خلصنا
بس لسة ما أكدناش إنه الدومين اللي إحنا حطينها بتاعنا .. ولا ربطنا أي إيميل بالماسنجر

عشان كدة

في كود موجود في الصورة مكتوب جنبه MX server

هناخده وندخل على السي بانل بتاعت الموقع بتاعنا

ونروح على الخيارات الخاصة بالميل

وندخل على MX Entry

VVV
VV
V


زي ما انتم شايفين في الصورة هتكتبوا كود ال MX server الل طلعلكم .. وتسنوا شوية لغاية ما تظهرلكم علامة صح

بعد كدة

ترجعوا للصفحة اللي كانت فيها علامات تعجب وفي كود ال MX server

وتدوسوا ريفرش ..

وبعديها لما تتظبط كل الأمور وتبقة عندكم علامات التعجب صحوح

تدخلوا تاني على https://domains.live.com/

وبدل ما تدوسوا على Get started

تضغطوا على sign in

وتدخلوا باسم إيملك اللي انتم سجلتوا بيه بتاع الهوت ميل

وهتتفتح الصفحة ديه بعد تسجيل الدخول


زي ما انتم شايفين أنا صورت الصفحة بتاعت الدومين بتاعي مش بتاع أكشن
المهم
تضغطوا على اسم الدومين بتاعكم

عشان تظهر الصفحة التالية


برده زي ما انتم شايفين أنا عامل إيميل عليه
طبعا بالنسبة ليكم هتكون الخانة بتاعت الإيميلات فاضية
وعشان تضيفوا إيميل تضغطوا على زر add
وهتفتح بالشكل التالي


هنا تكتبوا معلوماتكم
وخلي بالكم آخر خيار اللي محطوط عليه الصح Require password change at first login

يعني لازم أول ما تعمل تسجيل دخول هتحط باسوورد جديد

كدة مبروك عليكم عمل الإيميل

ملاحطظة مهمة
في الأكاونت نيم تكتب بس اسم الأكاونت من غير إضافة @
وهيتم إضافته أوتوماتيك

كدة فاضل تفعيل الإيميل

وهو إنك تروح على

www.hotmail.com

وتعمل sign in باسم الإيميل الجديد بتاعك اللي على الدومين
وهيطلعلك معلومات لازم تعبيها

وفور الإنتهاء من تعبئتها هتقدر تدخل ليه على الماسنجر

-------------------------------------------------------------------------

وتم الإنتهاء من الشرح بحمد الله

أرجو أن أكون قد وفقت في عمل شرح يفهمه الجميع

وأي نقطة غير واضحة في الموضوع أرجو الاستفسار عنها حتى أقوم بتوضيحها

ودمتم بود

المصدر: ACTION ACADMY أكاديمية أكشن - من قسم: تطوير المواقع والمنتديات