شعر7

معلومات العضو

cendrila أكشناوي

والطف وناظر ياالولي في سوالـي ***** لا تواخذان فيما مضى من فعيلـه


لا إخوان لا عمان لا من خوالـي ***** ولا من صديقٍ بالوزى نشتكي لـه


لو كان ما يجلي سوى الله جالـي ***** ماشفت عبدٍ هرجته لي جميلــه


تقطعت وذم العرى والمدالـــي ***** من جملة الخلان والمستخيلــه


قضيت من المخلوق ماحدٍ بقالي ***** إلا أنت ياللي ما يخلي عميلــه


عادوني كل الناس شرق وشمالـي ***** ولا بقى غيرك ذراً نلتجي لــه


شافوني مذلولٍ وحيدٍ وخالــي ***** والا لي من الفزعات مومي شليله


وأنا بعون الله امتانٍ احبالــي ***** متجودٍ بحبال منشي المخيلـــه


لو كان كلٍ له صديقٍ أموالـــي ***** أخوال واقرابٍ ولحدٍ قبيلــــه


أنا لي اللي زابنه ما يسالــــي ***** جزل العطا مبري الجسوم العليله


إلى دعوا حيانهم فز بالــــي ***** رفعت طرفي له وقمت أشتكي له


واللي تنادوا بينهم للنوالـــــي ***** ناديت بإسمك يامنشي المخيلـه


من لاذ بك ما صار بالضيق تالـي **** يصير الأول لو اعظامه هزيله


أنا دخيلك يا عزيز الجلالــــي **** حاشا كرم جودك يضيع عميلـه


تبريت من غيرك بحالي ومالــي ***** وزبنت أنا بحماك عن كل ميلـه


من شر خلقك لايذٍ بك ومالـــي ***** غيرك ملاذٍ شامخٍ ينعني لــه


يارب مالي غير جدواك وإلـــي ***** وإن كان خليتن فلا لي عقيلـــه


ياعالمٍ با المخطيه والعدالـــــي ***** تشوف مالي غير عدلك وسيلـــه


فلا تؤاخذني بماضي أفعالـــي ***** يا ساتر العورات مضفي الجميلـه


لو كان ذنبي راجحٍ بالجبالــــي ***** عفوك عظيم ليس ذنبي عديلـــه


أطلبك تقبل توبتي عن خمالـــي ***** وأطلبك عني كل كربٍ تزيلـــه


وأطلبك تغفر لي وتصلح أعمالــي **** يا مزبن الخايف إلى باد حَيلـــه


مولاي لا ملجأ ولا ملتجأ لــــي ***** إلا أنت ياللي ما يضيع نزيلـــه


يا فزعة المضيوم منشي الخيالــي **** يا فارج الشدات لوهي ثقيلــــه


أفرج لمن بالحبس دونه أرجالــي ***** ابواب واقفال حصونٍ ثقيلــــه


في وسط دبابٍ وحيدٍ الحالــــي ***** أظلم ولا أدري وش نهاره وليلـه


متروك مالي من يرد المقالـــي ***** لا أحد يبي قولي ولا أحد يشيلــه


ولا أحد غيرك عليه اتكالــــي ***** إلا أنت يامنجي دريك الدبيلـــه


ما دام تنظرني وتسمع مقالـــي ***** ما خاب عبدٍ يدري أنك وكيلــه

---

auv7

ساعدنا على رقي الموقع بنشر الموضوع بالفيس بوك