كلمة مدير أكاديمية أكشن جوجو .. gogo's word The admin Of action acadmy .. رمضان كريم ورد لكل الإستفسارات



السلام عليكم ورحمة الله وبركاته

زوار

أعضاء

فريق عمل

أكاديمية أكشن

أستمتعوا

قبل أى شىء كل عام للجميع فى موقعنا بمناسبة شهر رمضان الكريم

أعاده الله على الأمة العربية بالخير واليمن والبركات

أعتدت كل فترة على التحدث لكم كمدير للموقع وكعضو فى الموقع مثل اى عضو

أهلا بكم فى رحاب أكاديمية أكشن

أرض النوادر .. أرض الحب والفن والجمال

لازلنا على عهدكم بنا موقع لا يفرق بين عضو ومشرف

موقع يعمل على إسعاد أعضاءه

موقع لا يستغل أعضاءه او يتلقى الإعانات منهم تحت شعار لا نريد اموالك بل عملك ومشاركتك عملنا

موقع يديره مختل عقليا كما قيل مسبقا او مجنون ولكنه فى النهاية يحاول ان يصل إلا مالم يصل إليه

أحد من قبل .. موقع عادل .. يحق أحلام وأمال أعضائه

ولأعلنها للجميع إستمرار لجنونى المطلق أعلن ان شهر رمضان شهر مختلف معنا ..

ليس شهر المسلسلات بل شهر المسابقات شهر عبادة وشهر استمتاع بالجو الرمضاني

ولكن قبل البدء فى كلمتى هناك تنبيه قبل ان يبدأ وتوضيح قبل ان يضمر فى رؤس البعض على بعض النقاط

أول شىء : التغليس على البنات فى الموقع لطالما لم أرغب فى وجود فتيات بالموقع ليس إعتراض على الفتيات

بل خوفا عليهم من الأعضاء غير المهذبين اللى كل واحد فيهم فاكر لى نفسه تامر حسنى والله عليك وانت واقف بين ايديا

والكلام البلدي ده لذا بالنص وبكل وضوح مش عايز تغليس على اى بنت سواء مشرفة او عضو ان شاء الله تكون لسه مولوده

لا بكلام ولا ايميل ولا رقم موبايل ولا فيس بوك او تى وتر اى شكل من دول مش مقبول لو هى قابله اوكي

انا فقط سعيت لحمايتهم وايضا انوه ان غالبية الفتيات بالموقع مرتبطات يعنى فى مشاريع خطوبة وزواج فبلاش اللون ده معاهم

لان اقل واصغر واحدة فيهم توديك البحر وتجيبك عطشان .. فقط رغبت التنويه

النقطة الثانية : للبنات اللى زعلت مني عشان بريدي الشخصي او الخاص اللى مش بطلعه لاى بنت وبرضه لبعض الاولاد

هقسم النقطة دي لجزئين أساسيتين اولا البنات انا لا معقد ولا شىء بس الموضوع كله خوف عليهم ولا مجال للتوضيح هنا

بس اللى هتكون مشرفة وربنا يكرمها هتعرف ليه انا بقول كده مش يعنى انى مصاص دماء ولا حاجة ولكن قلق من نوع آخر

بخصوص الاولاد انا دائم الإنشغال وقلما بدخل لايميلى اللى بيحتجانى بيكلمنى على الموبايل وايضا قلما لما ارد واحد ماشى ب 12 عدة موبايل

و 14 خط شغالين هرد على مين يعني ... ليس غرور ولكن لانى عارف ان الموضوع زى قلته فالبريد الرسمي هو الحل

-----------------------------------------------------

رسالة خاصة من عضو انت ليه عينت الناس دي ويخص بالسؤال المشرفين الجدد امممم انا مش من نوعية اللى بحب ارد بمالكشى دعوة

ولكن الأعضاء دول وجدوا بالموقع لإدارة بعض الأقسام هم أقدر الناس على إدارتها وبخصوص رفض تعيين بعض المشرفين وتعيين البعض

وعزل البعض انا بحب فى المشرف ان يكون له دور قيادي وليس تابع او امعه لان الأمعه لا يصح ان يكون مشرف او يرضى جميع

الأشخاص فطالما يعمل مايراه صحيحا ويراه الإدارة وغالبية الأعضاء فهو الصحيح

------------------------------------------------------

انا اتغيرت .. كلمة بيقولها لى كثير انا مش اتغيرت مش عشان بتأخر فى الرد او مش بشوف الجديد بسبب الضغط انى اتغيرت

بس الكل ملاحظ الموقع من سنة كان 2000 عضو حاليا 22 ألف عضو كان بيوصل لى فى اليوم 22 رسالة و10 رسائل زوار

حاليا يومي 350 رسالة و 100 رسالة زوار فازاى هكون بنفس الكفاءة ونفس السرعة لا احب ان اهمل اى مشرف او عضو او زائر

كل شىء بحب اشوفه وارد عليه واتابعه انا مش مدير سبق وقولت انا اولا واخيرا عضو فى الموقع عضو بصلاحيات وسبق وقولتها

الموقع بدون اعضاء مثل رئيس بلا شعب او دولة ولكن لا يعنى هذا فى نفس الوقت ان يتطاول عضو او مشرف واقول له انا وانت

زى بعض ساعتها عضو أخطأ فى عضو ويحق عليه العقاب وليس التجاهل

-----------------------------------------------------

الأعضاء اللى اساءت ليا خاص او عام لا اقبل اى إعتذار من شخص فى العموم ويعتذر لى خاص وسيجد منى كل التجاهل

اصل مش تعمل لى فيها فارس بلا جواد قدام الكل وفى الاخر تعتذر لى على الخاص ولن يرفع الحظر عن هذه النوعية

----------------------------------------------------

الأعضاء الكرام ساعدونى فى التبيلغ عن المشاركات المخالفة وإليكم العرض التالي هع بلغ عن مشاركة تكسب 10 ميجا رفع



شوفتوا السهولة بيع صاحبك واكسب نفسك (( بجد )) ياريت الكل يساعد الإدارة فى التبليغ عن المخالفات

----------------------------------------------------

رمضان كريم

رمضان الثاني علينا فى هذا الموقع بشكله الجديد وبعد العودة اممممممم ولن يختلف عن رمضان السابق

فى الأسس لن يتم رفع اى مسلسلات عربية نهائيا .. ايوه انا بتفرج بس مش احب اشيل ذنب حد

فى انه يترك العبادة ويقعد يتفرج على مسلسلات فقط هسمح ببعض البرامج وممكن كمان بعض الحلقات فى هذه البرامج

وسنظل فى طريقنا ألعاب ومصارعة وبرامج ومسابقات وإسلاميات والانمي ..

الأخوة اللى بتقول عشان ننافس هو انت فاكر اننا هنافس موقع احمد ولا موقع محمد فى الحاجات دي لا ابدا

الموقع تميز بتخصصه فى كل الشهور هنيجى فى رمضان ونخرج على السياق ليه نفسى اعرف

الحمد لله الموقع فى تطور اه بنتحرك ببطأ بس لده أسباب اللى بيوصل للقمة مرة واحدة بينزل بنفس السرعة

-----------------------------------------------------

البطأ فى رفع بعض الملفات عن المواقع الأخري يا جماعة البطأ مش لاننا اقل فى القدرات ولكن لاننا مش بنرفع حاجة

كإدارة وكجوجو إلا وانا متأكد منها مليون بالمائه عشان مش يحصل مشاكل لاحد بسببي

-----------------------------------------------------

ممنوع أقسام الأغاني والافلام

تصورا الموقع لو كان فيه الأقسام دي أكيد الشكل كان اتغير ولكن برضه مش هضع الأقسام دي

مش عشان انا معقد حرمانية الاغاني والافلام ده شىء يرجع لحكم الدين

انا بسمع أغاني وبتفرج على افلام ومسلسلات كمان بس انا اشيل ذنب نفسى

مش هشيل ذنب الناس اللي فى موقعي

مش كده ولا ايه اما بخصوص التقارير فمفيش مشكلة منها

-----------------------------------------------------

عدد الناس اللى بتتوقف كل يوم من دخول المنتدي فى زيادة وده لسبب واحد

زى ماقولت الموقع هنا للناس المحترمين اللى مش هيحترم الموقع انا مش هحترمه ولا هيكون ليه عندي غير ال.........إيقاف

مش تفهموا غلط وربنا اعلم باللى فى نيتي

-----------------------------------------------------

موضوع إخفاء الروابط عارف انه غلس ولكن للأسف لن اغيره حتى يصل الموقع ل 100 ألف عضو على الأقل ومن ثم هترك الروابط للأعضاء فقط

ومن بعدها سيغلق التسجيل ويتاح التحميل للكل الزوار والأعضاء

-----------------------------------------------------

فى النهاية الكلام اللى يحب يسأل او يستفسر عن شىء انا موجود قسم الطلبات والإستفسارت ايضا موجود ولكن بداخل المواضيع

غير مقبول وكذلك مناقشة القوانين .. وهنا لا يجب المساس بدستور الموقع مثل أقسام النخبة وغيرها فهذا النظام لن يتغير إلا فى مدة

اضعها فى رأسي

رمضان جانا .. وكل سنة وانتوا طيبين ويارب تصوموا السنة دي بقى

كل التحية للجميع

;glm l]dv H;h]dldm H;ak [,[, >> Gogo's Word The Admin Of Action Acadmy vlqhk ;vdl ,v] g;g hgYsjtshvhj acadmy action admin l]dv H;h]dldm H;ak hgYsjtshvhj gogo's [,[, vlqhk word ;glm